Guete Morgä zämmä

wär vu Eu isch au i Fründschaft usenand gange? Das heisst kei Stritereie, kei bösi Szenene sondern eifach seeehr vernünftig? Mir händ üs no mega gärn, aber mir liebed üs nümme, also besser gseit ich ihn nümme. Ich han ihn mega gärn, aber s'isch so wie mitere guete Fründin. Kännt das öppert vu Eu? Ich ernte rundume nur riese Stuune, ghöre wie sältä das isch, dass das nöd immer chan guet goh, aber ich glaub fest dra dass wänns mir jetzt scho so händ, mir doch dänn nöd no plötzlich müend afang striite oder so?! Ich säg mir halt, dass die meiste wo numme no striite und sich z'leid wärched wohrschinlich scho viel früehner hetted chönne höre, aber viellicht au dä Muet nöd gha händ däzue? Äs isch jo nöd so dass ich chopflos alles häreschmeiss, han mir das scho guet überleit, aber ich find halt au dass äs kei Sinn meh hät wenn meh öppis wott durestiere aber eigentli weiss dass die Liebi wos brucht für ä Beziehig nümme do isch. Und dänn säg ich mir wänn me so chann usenand goh wie mir dänn au gwunne hät. Also d'Chind gönd uf jede Fall sehr guet um dämit.

Han nöd grad wölle än Roman schriibe, aber ich wür so gärn vu Lüüt ghöre wos ähnlich ergange isch wie mir.

Ich wünsche Eu allne än schöne Samstig.

hallo muriel,

mir händ eus au in fründschaft trennt..

mir händ au no paar mönet zämegläbt,nachdem klar gsi isch dass mir eus trennet,so hät er au ziet gha sich nachere neue wohnig umzluege..meinigsverschiedeheite häts vorher einige gäh..(hüt au no ab und zue,doch isch ja dä ex;-)striet nöd viel..(hüt gar kei meh),

dä chli chunt au guet klar dämit ich denke es git nüt schlimmers als eltere wo nöd uschömet zäme,er isch scho heicho und hät gfröget,dchind verzellet wie eltere megalämpe häbet,das sig doch nöd guet,werum papi und ich nöd zämelebet mir chämet doch guet us zäme;-)?han ihm das aber erkläre chöne.

mag min ex au hüt no guet,doch hät einiges gäh..wo sich veränderet hät i eusne 5ähal jahr,und  ich mich wohl au..woni au hüt nöd klarcho würd dämit..darum bini froh lebet mir sit 5 1/4jahr guet so.

schöns weekend

wünscht admina